„А кога ќе видите дека гнасниот пустошник се сместил каде што не треба – кој чита, нека разбере – тогаш, оние што се во Јудеја, нека бегаат по планините; и кој е на покривот, да не слегува во куќата, ниту да влегува да земе нешто од куќата своја; и кој е на нива, да не се враќа за да ја земе облеката своја!
Исус Христос во евангелие според Марко 13:14-16
Но тешко на бремените и на оние што дојат во тие дни! Туку молете се, бегањето ваше да не биде зиме! Зашто во тие дни ќе има мака, каква немало досега од почетокот на светов, што го создаде Бог, а и нема да има.
Исус Христос во евангелие според Марко 13:17-19
И ако Бог не ги скратеше тие дни, тогаш не би се спасил ниеден човек; но заради избраните, кои ги избра Тој, ќе ги скрати дните.
Исус Христос во евангелие според Марко 13:20
Тогаш, ако ви каже некој: ‚Еве, овде е Христос‘, или ‚Ене, таму е‘, не верувајте! Зашто, ќе се појават лажни христоси и лажни пророци, и ќе покажат знаци и чуда, за да ги прелажат, ако е можно, и избраните. Но вие – чувајте се! Ете, сѐ однапред ви кажав!
Исус Христос во евангелие според Марко 13:21-23
Во тие дни, по маките, сонцето ќе потемни и месечината нема да ја дава својата светлина, и ѕвездите небески ќе паѓаат, и силите, што се на небото, ќе попуштат.
Исус Христос во евангелие според Марко 13:24-25
И тогаш ќе Го видат Синот Човечки, како иде на облаци со голема сила и слава. Тогаш Тој ќе ги испрати ангелите Свои и ќе ги собере Своите избрани од четирите ветра, од крајот на земјата до крајот на небото.
Исус Христос во евангелие според Марко 13:26-27
Со смоквата направете споредба: кога нејзините гранки се подмладуваат и пуштаат лисја, знаете дека е близу летото. Па така и вие, кога ќе видите дека сето тоа се случува, знајте дека е близу, пред врата!
Исус Христос во евангелие според Марко 13:28-29
Вистина ви велам: нема да помине овој род, додека сето тоа не се исполни. Небото и земјата ќе исчезнат, но зборовите Мои нема да исчезнат!“
Исус Христос во евангелие според Марко 13:30-31
А што се однесува до точното време и час – тоа никој не го знае, дури ни ангелите на небото, па ни Синот Човечки, туку само небесниот Татко!
Затоа, бидете духовно будни и подготвени
